ऑनलाईन अर्ज भरण्यासाठी वेबसाइट खाली दिली आहे:
संकेतस्थळ: https://ah.mahabms.com
या योजनेचे form भरण्याकरिता मोबाइल application देखील तयार करण्यात आलेले आहे.
अँड्रॉईड मोबाईल अप्लिकेशनचे नाव : AH-MAHABMS (गुगल प्ले स्टोअर वर उपलब्ध),
अप्लिकेशन तुम्ही येथे डाउनलोड करू शकता Application Link
अर्ज करण्याचा कालावधी :०४/१२/२०२१ ते १८/१२/२०२१
अधिक माहिती साठी
टोल फ्री क्रमांक: १९६२ किंवा १८००-२३३-०४१८ वर संपर्क करू शकता
विविध योजना आणि उपक्रमांच्या माध्यमातून ग्रामीण भागातील पशुपालक व शेतकरी बांधवांना स्वयंरोजगाराचे साधन उपलब्ध करुन देण्यासाठी कटिबद्ध असलेल्या राज्य शासनाच्या पशुसंवर्धन विभागाच्या वतीने वैयक्तिक लाभाच्या योजनांतर्गत प्रक्रिया अधिक पारदर्शक व्हावी यासाठी राज्यस्तरीय नाविन्यपूर्ण योजनेमध्ये ऑनलाईन पद्धतीने अर्ज मागविणे व लाभार्थी निवड करण्याची पध्दत सुरु करण्यात आली आहे. आता याचबरोबर जिल्हास्तरीय योजनांसाठी देखील सदर online प्रणाली लागू करण्यात येत आहे. यामध्ये जर लाभारत्याने एखाद्या योजनेकरिता अर्ज केल्यानंतर त्यास दरवर्षी पुन्हा अर्ज करण्याची गरज लागू नये, यासाठी तयार केलेली प्रतिक्षायादी पुढील 5 वर्षापर्यंत लागू ठेवण्याची सोय देखील केली आहे. यामुळे अर्ज केलेल्या पशुपालकांना लाभ मिळण्याची शक्यता जास्त वाढली असून, त्यांना प्रतीक्षा यादीतील त्यांच्या क्रमांकानुसार अंदाजे केव्हा मिळेल, हे कळू शकत असल्याने लाभार्थी हिस्सा भरणे अथवा इतर बाबींकरिता नियोजन करता येणे शक्य होणार आहे.
हे पण वाचा: PM Cares Yojana
नाविन्यपूर्ण राज्यस्तरीय आणि जिल्हास्तरीय योजनेंतर्गत दुधाळ गाई- म्हशींचे गट वाटप करणे, शेळी मेंढी चे गट वाटप करणे, १००० मांसाळ कुक्कुट पक्षी यांच्या संगोपनासाठी निवारा शेड उभारणीस अर्थसहाय्य देणे, १०० कुक्कुट पिलांचे वाटप व २५३ तलंगा गट वाटप या योजनांसाठी Online पद्धतीने लाभार्थी निवड प्रक्रिया सन २०२१-२२ या वर्षात राबविली जाणार आहे. पशुपालकांना डेअरी, पोल्ट्री अथवा शेळीपालन यापैकी ज्या बाबींमध्ये अर्ज करावयाचा आहे, त्याची निवड करण्याची सुविधा देखील उपलब्ध करुन देण्यात आली आहे. राज्यातील पशुपालक, शेतकरी बांधव, सुशिक्षीत बेरोजगार युवक, युवती व महिलांनी या योजनांचा लाभ घेण्यासाठी ऑनलाईन पद्धतीने अर्ज दाखल करावा असे आवाहन पशुसंवर्धन विभागामार्फत करण्यात आले आहे.
योजनांची संपूर्ण माहिती तसेच अर्ज करण्याची पद्धती याबाबतचा संपूर्ण तपशील वरी दिलेल्या संकेतस्थळावर तसेच मोबाईल अँपवर देखील उपलब्ध आहे. अर्ज फक्त ऑनलाईन पद्धतीनेच स्विकारले जातील याची सर्वानी नोंद घ्यावी. या संगणकप्रणालीमध्ये अर्ज भरणे अत्यंत सोपे करण्यात आले असून अर्जामधील माहिती कमीत कमी टाईप करावी लागेल आणि जास्तीत जास्त माहितीबाबत पर्याय निवडण्याची सुविधा उपलब्ध करुन देण्यात आली आहे. त्यामुळे पशुपालकांनी अर्ज भरण्याकरिता शक्यतो स्वतःच्या मोबाईलचाच वापर करावा.
अर्ज भरताना अर्जदाराने नोंदविलेल्या मोबाईल क्रमांकावर अर्जाच्या सद्य स्थितीबाबत संदेश पाठविण्यात येणार आहेत. त्यामुळे कोणत्याही परिस्थितीत अर्जदाराने योजनेंतर्गत आपला मोबाईल क्रमांक बदलू नये असे सर्वाना आवाहन करन्यात येत आहे.
योजनेबाबत अधिक माहितीसाठी वरी दिलेल्या टोल फ्री क्रमांकावर किंवा तालुक्याचे पशुधन विकास अधिकारी ( विस्तार), पंचायत समिती, जिल्हा पशुसंवर्धन अधिकारी किवा जिल्हा पशुसंवर्धन उपआयुक्त कार्यालय, तालुका लघु पशुवैद्यकीय सर्वचिकित्सालय अथवा नजीकच्या पशुवैद्यकीय केंद्रावर संपर्क साधावा, असे आवाहन पशुसंवर्धन विभागातर्फे करण्यात आले आहे.
